ما يريده الكبار

المسرحية دى من مشهد واحد كتبتها و انا ف تالتة ثانوى بعد الامتحانات عام 2005

مسرحية قصيرة جداً و بسيطة جداً فيها رموز و اسقاطات سياسية برده بسيطة ياريت تعجبكم و مش تبقى تقيلة على قلبكم

(فى قاعة مؤتمرات يبدأ أ بالترحيب بالموجودين )

أ: أنا بشكر كل السادة الموجودين على تلبيتهم لدعوتى و بتمنى ان كل واحد يقوم بدوره على أكمل وجه طبعاً أنتم عارفين نيتى اننا كلنا نبقى أسرة واحدة ،و انا اختارتكم بدقة عشان كل واحد يمثل أسرته ف الاتحاد.

ص: خش ف الموضوع علاطول ايه اللى نقدر نعمله .

(يدخل س و على وجهه ابتسامة خبيثة فتحدث ضجة عالية يهدئهم أ )

أ: كان لازم الام تدعو بنتها ف مناسبة زى دى،آه صحيح أنا نسيت أقولكم أنا مش عاوز حد يستعجلنى و يسأل قبل ما أخلص كلامى ماشى يا ص.

س: بعتقد انه آن الآوان انك تتكلم يا أ .

أ: يغمزله و يقوله ايه أخبار التعليم عندكم مافيهوش مشاكل .

م: أظن كدة .

س:كويس يا م انك استقبلتنا المرة دى .

م:قصدك ايه؟

أ: انت مش فاكر ساعة ما جهزتلنا بيتك و مشيت قبل ما تستقبل ضيوفك .

م: هوة بمزاجى .

و: ايه يا أ لحد دلوقتى ماقلتش انت جبتنا هنا ليه .

أ: اسكت انت يا و و خليك ف البقر بتاعك و المارينو اللى قرفتنا بيه.

ن: عيب يا أ انت مالكش كبير .

أ: أنا كبير أسرتى و كبيركم كلكميعنى انا أأمر و أنتم تقولو سمعاً و طاعةمش كفاية إن أنا اللى بحمى العالم و برعى حقوق الانسان ف كل مكان .

م: أنت هتقوللى زى ما بترعى حقوق الانسان ف ع و بتكرمو أهلها .

أ: ماهما برده بيكرمونا و بيدونا على قفانا قصدى و أنت مالك يا م .

ص: و كنت برده يا أ بترعى حقوق الانسان ساعة ما نسفت ولا د أختى الاتنين ...على فكرة أنا لسة ما نسيتش و كله هيطلع على عينك .

أ: دة بدل ما تشكرنى انى ريحتك منهم و هما كدة زى الهم ع القلب .

ن: غريبة يعنى يا س مش باين عليك أثر زعل ع الاوضة اللى سبتها لأهلها .

س: احنا ناس كرمة زى جدودنا الفراعنة و نعرف الاصول كويس اوى و اصل البيت دة بتاعنا انا بس مستنى شوية و هرجع اخده.

م: ايه دة بقى يا س الفراعنة دول جدودنا احنا ازاى تنسب نفسك ليهم .

س: (يتكلم بتهكم) لأ طبعاً انتم اللى بتنسبو نفسكم للفراعنة عشان انتم اصلكم قرود.

م: قرد أما ينططك ما تتكلم بأدب .

س: اوه ماما .

أ: يا روح ماما (ثم يشعر بأنه فقد وقاره فيعود مرة أخرى صامتاً ) .

و : أنا ملاحظ ان م بدأ يفقد اعصابه مع انه دايما بيتكلم عن السلام و الديمقراطية .

ن: السلام دة احنا اللى عرفناهوله و حفظناهوله من زمان و للا انت ناسى جدى ايدن لما دعا دعوته و لولاها ماكنتوش أنشأتم الجامعة .

م: (باستهزاء) جامعة ...و اى جامعة دانتم حاشرين منخيركم ف كل حاجة و انا و اخواتى اتفرقنا بعد ما أنشأناها

و : بس انتم عمركم ما جتمعتو عشان تتفرقو .

م: أخص عليك ...دة احنا جتمعانا كتير و اتقفنا على الا نتفق .

(يرن هاتف م فيستأذن الموجودين و يرد )

م: ألو .

المتصل : ألحقنا دة فى مصيبة كبيرة .

م: مصيبة ...ايه هية .

المتصل : 50 واحد غرقو .

م: ايه بتقول 50 و دول من بلدنا و للا اجانب .

المتصل: أجانب طبعاً امال مصيبة ازاى .

م : طب فين فرق الانقاذ .

المتصل : مشغولة أصل جماعة من بلدنا غرقو من 9 سنين فالفرق بتطلع جثثهم .

م: ايه الهرجلة دى بتوع بلدنا يستنو سنتين كمان المية مش هتعملهم حاجة لكن الاجانب تطلع جثثهم فوراً (ثم يغلق م الهاتف )

أ: خسائر ف الارواح و أجانب دى فوضى مش ممكن السكوت عليها .

م: هدى أعصابك مفيش خسائر و لا حاجة حتى شوف القناة الاولى .

يفتح م التليفزيون على القناة الاولى و تقول المذيعة

جاءنا النبأ التالى ...انه فى أحد شواطئنا صباح اليوم ارتفع المد بصورة مريبة أدت الى اكتساح الشماسى و الكراسى ،و فر جميع الناس و لحسن الحظ لا توجد اية خسائر فى الارواح .

أ: أظن انه جه الوقت اللى أقدر أقولكم ليه س موجود معنا دلوقتى س زى ما قلتلكم مابيمثلش أسرة معينة لكن س بيمثل ديانة كل الناس بتكرهها س محروم من حقوقه عشان كدة انا قررت أديه جزء من sيعيش فيها بسلام خصوصاً بعد ماساب جزء من وطنه .

م: يا سلام بتتصرف ف الاراض و كأنها أرضك لوحدك و مفيش حد يمنعك لأ يا استاذ فوق بقى .

أ : دة انت لو وافقت هنكملك المستشفى اللى بقالك سنين بتشحت عليها .

م: فلوس المستشفى موجودة .

أ: بس مسروقة ،و خلى بالك سواء وافقت او ما وافقتش انا هديله جزء من s و جزء من ع .

ن: بس حاسب يا أ س دلوقتى بياكل من خيرك بكرة ياكل و يمسح ف هدومك .

أ: مش انا اللى يتمسح ف هدومى .

ن: كلنا كنا بنقول كدة لكن لما بتقع المصيبة مابنقدرش نتصرف و خصوصاً بقى ان س مالوش عهد او وعد غدار يعنى .

س: أنا بحذرك من تطاولك علية .

ن: يعنى هتعمل ايه اكتر من اللى اتعمل ف العاصمة ...و الله انا حاسس ان انت السبب ورا كل دة لسة ف قلبك غل منى من ساعة ما سبت قضيتك .

أ: لأ دة ابن لادن هوة السبب ف كل العنف و الارهاب اللى ف العالم بس انا هأدبه .

و: كفاية اتهامات بقى لابن لادن و فكرو بطريقة منطقية عن الخطوة اللى جاية اللى ممكن تحل الازمة و ممكن برده توقعنا ف كارثة اكبر .

أ: لازم اول حاجة نفكر فيها حقوق الانسان .

و: آه زى ما بتحميها فى م و ه و ك و غيرهم و غيرهم ياعم دوشتنا بقى .

ص: الاوضاع متوترة فى العالم كله و لازم ما نضيعش وقت و نبدأ صفحة جديدة عنوانها السلام الديمقراطية الاصلاح الامل .

أ: قلتلى بقى السلام يرضيك يا م ان ع يكون فيها مفاعلات نووية بتهدد امن و سلام العالم ، دة مش كدة و بس دى كمان رافضة المساعدة من اى حد و شوف قتلت كام سفير من العرب انتم لازم تقاطعوها كلكم عشان نعيش ف سلام .

مL (بتهكم) و هو دة بقى السلام اللى انت بتنشده .

أ: ما تنساش نفسك و افتكر اللى اتعمل ف مارتن لوثر .

ص: كلمتنا عن السلام كلمنا بقى عن الديمقراطية .

أ: الديمقراطية بقى ان انا اقول رأيي بكل صراحة ووضوح و انتم تقتنعو و تنفذو حتى لو مش عاجبكم تتظاهرو بكدة .

ص: طب و الاصلاح يا أ.

أ: الاصلاح بقى يعنى نحط عقوبات صارمة لكل الاخطاء و ميبقاش فى تساهل ف اى حاجة اما بقى الامل دة هيتحق لما السجون تكتر من المشاغبين و يبقى على الرض المنتجين اللى يستحقو الامل .

م: موت الزمار و صوابعه بتلعب انت عايز تكتر السجون طبعاً ما انت اصلك مجرم مش قادر تنسى السجن .

أ: اللى دخلنى السجن هوة انتاجى (يستغرب الجميع و ينظرون اليه بدهشة فيستكمل حواره ) أيوة اللى اضطرنى لكدة البطالة اللى كانت سايدة ف بلدنا مفيش لقمة عيش مفيش أى حاجة اضطريت اسرق و اقتل و ادينى دلوقتى سيد العالم حد يقدر ينكر.

و : و هل يخفى القمر .

أ: و كمان من دعائم السلام اللى انا هحقه ان مفيش اى دولة تعتدى على دولة تانية و لا تحتلها الا فى الضرورة القصوى .

س: دى sلسة مااتراجعتش عن مساعدة غ فى برنامجها النووى .

أ: و انا سكتلها كتير لكن خلاص كفاية كدة انا هجخز ناسى عشان يأدبوها .

يسود جو من التعتيم و الغموض و يقول س ( هية دى النهاية )فيرد ص لأ دى بداية البداية و ينفض الجميع فيبقى ص ، أ اللذان يتبارزان حتى يفوز ص و تخلى أرضية المسرح .