غنوة شهيد

موضوع: غنوة شهيد الخميس يناير 03, 2008 1:41 pm

غنوة شهيد
لو تسمعى صوت غنوتى
لو تشعرى بشوق ضمتى
لو يوم تحسى بلهفتى
وبرغبتى فى نزف الدماء
كنت تبكى يا أرض
لمّا اندفن تحت التراب
كنت تشكى لمّا روحى
تختفى خلف السحاب
........................
كان كل حلمى
دمى يبقى جزء منـك
كنت بحلم أبقى دايما
ًجوه حضنك
واتحققت أمنيتى
ودمى اختلط ويا التراب
.......................
واحكى يا تراب عنى
وف عز العذاب غنى
دمك يا شهيد دمى
روحك يا شهيد روحى
خفف يا حزين حزنك
جفف يا تراب دمعك
لا تبكى بسبب موتى
ابكى لو يكون فوقك
ناس الصمت فى قلوبهم
يشبه صمتى وسكوتى
.......................
دارى الدمع يا أمى
لا تزيدى فى دموع روحى
غنِّى طيِّبى جروحى
غنى بصوتك الدافى
وقولى لكل أحبابنا
لو مات الولد وافى
بوعده لأرضنا الحرة
يوم موت الشهيد عيدى
ولو كان الدمع يوم خانِّى
اعرف يا تراب إنِّى
بابكى لأن أشواقى
زادت للشهيد إبنى
.......................
يا قبر الشهيد قرَّب
من شوقى هتستغرب
اعزف يا تراب لحنك
وافتح للشهيد حضنك
زوِّد فرحتى بقربك
وامحى بجنتك حزنى
يا قبر الشهيد قرب
لامح فى السما نورك
غنت للهوى طيورك
نادت للشهيد حورك
واتسابقت إلى حضنه
.......................
لا تبكوا وأنا أضحك
لا تبكوا على فراقى
بدأت فرحتى بموتى
سامع غنوتى بصوتى
قلبى ارتاح لنور قبرى
والفرحه تكون أكبر
لو م القبر ألمحكم
تبكوا ع البلاد أكتر
ابكوا لو تكون روحكم
تعشقنى أنا وتنسى
شوقها وعشقها الأكبر
تنزف دم لبلادى
لا تبكوا لضياع صوتى
أصواتكم أكيد تقدر
تخلق م التراب مرمر
تخلق م الهوى أجمل
لحن لغنوة الوادى

موضوع: رد: غنوة شهيد الخميس يناير 03, 2008 1:45 pm

الله عليك بجد تسلم ايدك جميل جداً

موضوع: رد: غنوة شهيد السبت يناير 05, 2008 3:24 pm

جااااااااااااااااامد اوى

موضوع: رد: غنوة شهيد الإثنين يناير 07, 2008 8:19 pm

مش بطال بس مش معنى كدة انة فظيع يعني

جميل بس مينفعش يكون من شعر العمود الواحد

» غنوة للسلام