مظلومين

موضوع: مظلومين الثلاثاء ديسمبر 25, 2007 12:02 am

بصراحة موضوع حقيقى وجوهري في نفس الوقت ولن احناااااااااا مظلومييييييييييين

فتعالي وشوف بنفسك الظلم علشان تاخد بالك يآدم ...........

لما تقولك على حاجة ( ايوة ) بيكون قصدها ( لأ )

ولما تقولك على حاجة ( لأ ) بيكون قصدها ( أيوة )

ولما تقول ( ممكن ) بيكون قصدها ( إستحالة )

ولما تقول ( أنا أسفة ) يعني ( سامحني على إللي حيحصل )

ولما تقول ( انا محتاجة موبيل جديد ) يعني ( هاتلي موبيل جديد وإلا ******* )

ولما تقول ( القرار قرارك يا حبيبى ) يعني ( ورّينى كده هتعمل إيه ؟؟ وإبقى شوف )

ولما تقول ( إعمل اللي إنت عاوزه يا حبيبى ) يعني ( هتدفع الثمن غاااااالي )

ولما تقول ( عاوزين نتناقش فى موضوع ) بيكون قصدها ( عاوزة بس أعرفك أنا هعمل إيه )

ولما تقول ( لا عادي أنا مش زعلانة ) يعني ( وحياة ***** لتشوف )

ولما تقول ( إنت زى القمر النهاردة ) يعني ( إيه القرف ده ؟؟ يا شيخ روح إحلق دقنك )

ولما تقول ( خليك رومانسي واطفي النور ) يعني ( نام بقى واتخمد زهقتني )

ولما تقول ( أنا عاوزة شوية حاجات للبيت ) يعني ( أنا هغير البيت كله )

ولما بتقول ( أنا باسمع صوت مزعج وأنا نايمة ) يعني ( إنت بتشخر وانت نايم يا عم الحاج)

ولما تقول بقي ( أنا هاكون جاهزة فى دقيقة يا حياتي ) يعني ( إقلع هدومك تاني واتفرج على الفيلم أنا قدامي ساعة )

ولما تقول ( في حاجات لازم نتعلمها فى حياتنا ) يعني ( لازم تتعلم توافق على كل كلامى )

ولما تقول ( إنت سامعنى يا حبيبى؟ ) يعني ( إنت أطرش مش بانادي عليك يا بارد )

ولما تقول ( إنت بتحبني يا حبيبي ؟ ) يعني ( جهز نفسك وإدفع بقى )

ولما تقولك ( لو عملت حاجة يا حبيبى لازم أعرف ) يعني ( أنا هطلع عينك لو عرفت عنك حاجة )

ولما تقول ( إنت بتحبني قد إيه يا حبيبى ) يعني ( يبقي عملت مصيبة سوده النهاردة )

ولما تقولك ( انت وحشتني ) يعني ( انت جبتلي الي قولتلك عليه )

ولما تقول ( انا رايحة لماما شوية ) يعني ( يعني وقعتك سودا لما حماتك تشوفك )

ولما تقولك ( انا تعبانة النهارده ) يعني ( اغسل المواعين وزاكر للولاد وهات اكل من بره) شفتوا احنا مظلومين ازاي علشان تعرفوا بس ان احنا ملايكة بالنسبالهم

[/color][/color][/center]

موضوع: رد: مظلومين الثلاثاء ديسمبر 25, 2007 6:58 am

- تحب المرأة بقلبها ، و الرجل يحب بمعدته .
- المرأة تسهر من أجل من تحب ... الرجل يسهر لأن الضوضاء عالية .
- المرأة عندما تحب ترى حبيبها أجمل ما فى الكون ، الرجل يرى حبيبته أجمل ما فى الكون الى ان يجد من هى اجمل منها .
- المرأة تحب الروح و الرجل يحب الجسد .
- المرأة تتزوج من أجل الاستقرار و الرجل يتزوج من أجل الادخار .
- المرأة تروى الكون بحبها و الرجل يحرق الكون بعصبيته .
- المرأة تحب من أجل الحب و الرجل يحب من اجل الاستحواذ .
- المرأة تدفع حبيبها للامام و تتباهى به ،الرجل يخنق حبيبته حتى يصير أعلى منها و الا تركها
المرأة اذا احبت يوم و هى متزوجة فهى خائنة اما الرجل اذا تزوج عليها واحدة او اثنين فهو متدين .
- و أخيراً و ان كانت المرأة خلقت من ضلع اعوج فى الرجل فلديه 24 ضلع .
- من فى النهاية المظلوم المرأة أم الرجل .

موضوع: رد: مظلومين الثلاثاء ديسمبر 25, 2007 7:20 am

مالك كده اما صدقتي واتفتحتي زي الحنفية اوعي تكوني معقدة يا شرين؟؟؟ ازعل اوي والله

موضوع: رد: مظلومين الثلاثاء ديسمبر 25, 2007 7:24 am

هوة اللى يقول الحق يبقى معقد يا قيصر ع العموم انت اللى ابتديت يبقى مين فينا المعقد .

موضوع: رد: مظلومين الثلاثاء ديسمبر 25, 2007 7:35 am

اصلك متحاملة اوي على الرجالة الظاهر عليكي وحشة وعاملة حلوة او وحشة وعاملة حلوة برضو

موضوع: رد: مظلومين الثلاثاء ديسمبر 25, 2007 7:38 am

هوة انت اصلا شفتنى ...طب ايه رأيك بقى ان انا حلوة و عاملة حلوة
قصدى عسولة و عاملة حلوة

موضوع: رد: مظلومين الثلاثاء ديسمبر 25, 2007 7:43 am

احم احم انا جيت cheers

ايه الكلام ده Mad

يالهوووووووووووووووووووووى Suspect

قال مظلومين قال bounce

موضوع: رد: مظلومين الثلاثاء ديسمبر 25, 2007 7:52 am

كلكم مفتريين حسبي الله ونعم الوكيل

موضوع: رد: مظلومين الثلاثاء ديسمبر 25, 2007 7:53 am

نو كومينت

موضوع: رد: مظلومين الثلاثاء ديسمبر 25, 2007 7:56 am

من الاخر الولد ميقدرش يعيش من غير البنت

والبنت متقدرش تعيش من غير الولد

بس خلاص بطلو خناق بقى

موضوع: رد: مظلومين الثلاثاء ديسمبر 25, 2007 8:07 am

الولد ممكن يعيش من غير بنت والدليل انا آدم بلا حواء

موضوع: رد: مظلومين الثلاثاء يناير 01, 2008 9:45 am

طب ايه رأيك بقى ان الدراسات اثبتت ان المرأة بيولوجيا و سيكولوجيا و سسيولوجيا تسطيع العيش بدون رجل لكن الرجل لا يستطيع العيش بدون المرأة ... و لو دورت على الستات اللى بيتجوزو بعد موت ازواجهم هتلاقيهم قليلين اوى لكن الرجالة نادر جدا لما بيفضلو من غير جواز بعد موت زوجاتهم .

موضوع: رد: مظلومين الجمعة يناير 04, 2008 5:03 am

دي رجالة طفسة وان شاء الله هيموتوا

» قال مظلومين قال