الواد أكيد اتجنن .. الواد أكيد اتهف
لو جـه هنقول يحنن .. فيه غير الحضري ألف
ايييييييييييييييه
قالوا الحضري كت .. أنا قلت أكيد هـزار
و بعديها انكبست .. زي اللي انضرب بنار
ايييييييييييييه
كان لسه في غانا بيرقص .. و قلوبنا بترقص معاه
فرح حسن و مرقص .. و تعبنا كتير وياه
اييييييييييييه
ازاي بعد المحبة .. و الرقص و البطيخ
يغافلنا حبة حبة .. ويضرب فينا صواريخ
ايييييييييييييييه
قال ايه الحضري احترف .. رايح يلعب في سيون
يا جماعة الواد انحرف .. شدوا عليه السيفون
ايييييييييييييييه
قالوا الحضري احترف .. أنا قلت الحضري خاب
و حتى شوفوا مراته .. أهي قلعت الحجاب
اييييييييييييييه
هتعمل ايه يا حضري .. بالكام مليون دولار
بكره هتعرف يا حضري .. أنك أكبر حمار
اييييييييييييه
هتعمل ايه يا حضري .. بالكام مليون يورو
سيبوه .. هيتوه هناك .. و اللقمة تقف في زوره
اييييييييييييييه
يا حضري فاكرها ايه ؟ .. فاكر الدنيا ظايطة
ضحكت عليك الخلق .. و كسفت الدمايطة
ايييييييييييييه
قالوا الحضري احترف .. أنا قلت مين وراه
بكره الدنيا تدور .. و هنسمع منه الأه
ايييييييييييييه
النادي الأهلي حبيبنا .. النادي الأهلي كبير
لو راح الحضري في داهية .. بكره هيلعب أمير
اييييييييييييييه
شمت فينا الغير .. و هربت زي الحرامي
مش ده خليفة شوبير .. و لا ثابت و لا اكرامي
ايييييييييييييييه
النادي الأهلي عظيم .. بانجازاته الكبيرة
مش عايزينك يا حضري .. في قلعة الجزيرة
اييييييييييييييه
اخر كلامي هقول .. القلب عشانه داب
الفاتحة يا رجالة .. على روح عبد الوهاب
