أمثال شعبية توارثت عبر الاجيال و ربما ضاع منها البعض و لم يعد متداول
-البستلة أما تتملى تتدلدق .
-الضيف المجنون ياكل و يقوم.
-قعدتى على بابى و لاقعدتى عند أحبابى .
-الجلبية ع الكوم كان ليها يوم.
-يا داخل بين المسك و الريحة ما ينوبك الا الفضيحة .
- قليل البخت يلاقى ف الكرشة عضمة .
-لبس المكنسة تبقى ست النسا .
-لبس البوصة تبقة عروسة .
-ضل راجل و لا ضل حيطة .
-برة و جوة فرشتلك و انت مايل ايه يعدلك.
- يا فرحتك و انت بتاكل خوخة ورا خوخة و حسرتك و انت بطنك منفوخة .
-اطبخى يا جارية كلف يا سيدى .
-اللى بيته من ازاز ميحدفش الناس بالطوب .
جبتك يا عبد المعين تعين لقيتك يا عبد المعين عاوز تتعان .
يا مأمنة للرجال يا مأمنة للمية ف الغربال .
سبع صنايع و البخت ضايع .
-سبع مناخل و الغش داخل .
-خدوهم بالصوت قبل ما يغلبوكو .
-ودنك منين يا جحا .
-طول عمرى أجاملك بالكلام و لما تعوزنى و عليكم السلام .
-ياكل و يشرب ووقت الحاجة يهرب .
-اللى اتلسع من الشوربة ينفخ ف الزبادى.
-القربة أم ودنين يشيلوها اتنين .
-حاميها حراميها .
عادى وزير و لاتعادى خفير .
-الباب اللى يجيلك منمه الريح سده و استريح.
-مراية الحب عمية .
-نحتها النحات و اتشقلب مات .
ما لقو ف الورد عيب قالو دة أحمر الخدين .
من برة هلا هلا و من جوة يعلم الله .
-ضربو الاعور على عينه قال خسرانة خسرانة .
-قالو يا قرد راح يسخطوك قال راح يسخطونى غزال!
-خنفسة شافت بنتها ع الحيط قالت دى لولية ف خيط .
القرد ف عين امه غزال .
-أقلب القدرة على فمها تطلع البنت لأمها .
-أقلب الجردل على أبوه يطلع سى السيد لأبوه .
الغريب أعمى و لو كان بصير .
-العين عليها حارس .
-الناس خيبتها السبت و الحد و انت خيبتك ما وردتش على حد.
يعملوها الصغار و يقعو فيها الكبار .
على ما تتكحل العورة يكون السوق خرب .
-يغور الفلاح بزيارته و حمارته .
-ما يضايق الزريبة الا الحمارة الغريبة .
-الاعور ف مملكة العمى سلطان .
اللى تغلب به العب به .
-المال السايب يعلم السرقة .
عيبت القدرة ع المغرفة قالتلها يا سودة يا مخرفة قالتلها كلنا ولاد مطابخ .
سوق النضافة جبر و اتغندرو النتنين .
-عصفور ف اليد خير من عشرة ع الشجرة .
باب النجار مخلع .
ادى العيش لخبازه .
-ان فاتك زرع هاتور اصبر لما السنة تدور .
-ان كلب العمدة مات نروح نعزيه و ان العمدة مات نقول كلب كلب و مات .
-عيبه ف وشه منين يدسه .
على وشك يبان يا مداغ اللبان .
-موت الزمار و صوابعه بتعلب .
-اللى يزمر ميخبيش دقنه .
-كله عند العرب صابون .
يا داخل بين البصلة و قشرتها ماينوبك الا صنتها .
الراجل و مراته زى القبر بحشراته .
-أهلك يحبوكى عفية و جيرانك يحبوكى سخية و جوزك يحبك غنية .
- الفاجر ياكل مال التاجر .
-عاد بخفى حنين .
و كأن على رؤوسهم الطير .
-مشكاح اتجوز ريما و الاتنين بلا قيمة .
-اتلم تنتن على تنتون و الاتنين انتن من بعض .
-رجعت ريما لعادتها القديمة .
-اتلم المتعوس على خايب الرجا .
-الغربال الجديد له شدة .
-اللى ميعرفش يقول عدس .
-قطع الورايد و لا قطع العوايد .
-إن ميل عليك الدهر ميل على دراعك .
-خد من عبد الله و اتكل على الله.
- اللى اختشو ماتو .
-يا بخت من بكانى و بكى عليا و لا ضحكنى و ضحك الناس عليا .
-القرش الابيض ينفع ف اليوم الاسود .
-مية مالحة ووشوش كالحة و هدوم شالحة .
-اللى يعيش ياما يشوف .
-مايبكى ع الميت الا كفنه .
يا خبر انهاردة بفلوس بكرة يبقى ببلاش .
-عشمنى بالحلق خرمت انا ودانى .
-ادنى الحلق للى بلا ودان .
-اللى خدته القرعة تاخده ام الشعور .
-طعامك ماجانى و دخانك عمانى ز
-اطعم الفم تستحى العين.
-أول ما شطح نطح .
-علمناهم الشحاتة سبقونا ع الابواب .
-مال الوقف يهد السقف .
-كل ما اقول توبة يقول الشيطان بس النوبة .
-على اد لحافك مد رجليك.
-الدنيا زى الغازية ترقص لكل واحد شوية .