هذا الزجل من مختارات شعر سيد حجاب
الحنة من جاوة ......البخور من زنجبار
أبنوس جهازنا من السودان
المسك و العنبر من الصومال
العاج من الهند ، السفنج من اليونان
من كسوة الكعبة العقال
من فارس البساط
يلمنا غطانا اتنين بساط
حوالينا ليل قطب الشمال
الشمع من قطب الجنوب
فى الفجر يطلعو العيال
يشخبطو ع الحيطان قلوب
يشخبطو أسد
.........و فوق كتافه قربتين
بحلم يا حلوة فى بلاد
الشمس و البحور.......البدر و البحور
سريرنا ضيق آه
لكن قلبك وسيع
لمينى ف ضفايرك لاضيع
امتى نصب مية الحموم
