أصل القضية مدارية
مش حرب مات اتنين و رجعو مية
و لا لعبة عسكر و حرامية
القضية هية البلد دية
بقلها سنين على ماهية
و أسأل عليها حسن و بهية
شافو العذاب ع الأرض دية
فى ناس تضيع بأقل دية
وناس تعيش مش مستحية
و ناس للخواجة تبقى المعدية
وناس ف الجبال مدارية
ولحد امتى يا ارانب
ف الجحور مستخبية
و ازاى النعامة تضحك عليكو
الضحكة دية
فوقو بقى و بلاش
البطانية
و كفاية نوم تحت النموسية
أصل الدبانة جاية جاية
بدل ما تفرشولها الأرض مية
حطولها سم ف جيب الجلابية
ولا أضربوها الم و روصية
